Home Authors Posts by isaluteonline.com



XENOPHOBIC ATTACK : ” Lock your shop Because we no dey protect Policies”. Police tells traders.


Yesterday we dey studio wen some body alert us say gidigidi dey happen for Opera square, i salute Media come gather say, In the morning some Ghana people come vex go open the Nigerian people shop wen GUTA people lock, as dem dey open am na em GUTA boys come enter Opera square begin fight them and the Nigerians

when get the shops. According to Chief. Chukwuemeka Nnaji Wen be one of the Oga Kpatakpata of Nigerian traders union wen we interview am talk say Em dey there for opera square wen the matter shelle , even em self still receive some beatings.
Em say na Ghana Police quickly come pure ice water for the matter if not blood for flow. According to Oga Levi, Even our High commissioner to Ghana Oga Kpatakpata Hon.Olufemi Michael Abikoye come meet them for Regional Police headquarter for Accra where dem carry the matter go.


Our high commissioner even call Oga Kpatakpata for police wen be IGP make you know how the matter pain am for mind reach. As the matter dey so, Ghana police don talk say them no dey protect policy Na only security them dey protect so make Nigeria people lock dem shop until matter settle say dem no wo fit cover any body wen go open thier shop. I come ask Oga Levi say some Nigerian people belive say Government dey support GUTA from back. Em come talk say Sani Abach talk say any sturbboness wen last 24hrs which means government hand dey inside because if government say stop dem no born any body well make em move.
We for Isalute wo dey follow the matter like stubborn fly, your own na to follow us like Bee dey follow honey.

Breaking News : 72 Nigerian shops closed down. Nigerian Welfare person Talk Say GUTA dey carry Medicine and goods go sell for Nigeria.




GUTA wen be Ghana people wen dey sell things for market, come enter Accra and Kumasi begin close down people shops. The Oga Kpatakpata of GUTA talk say as far as Nigerian Government no respect Ecowas wen dem close border, say dem too no wo respect their police or their Government wen talk say dem no get right to lock the shops so dem dey give Nigerians till monday to leave their market. For one of the TV for Ghana, CITI TV, dem show video wen be say GUTA boys dey beat Nigeria people and lock their shop. The Welfare person  Mr Emmanuel Chukwuma talk say, Nigeria no get border Ghana say the reason the thing dey pepper GUTA for body like teargas na because say na GUTA dey export most of the pharmacy goods and medicine go Nigeria. Em also say both coco nut, drinks and many other things so as Nigeria lock that chop chop area, na em make dem dey bark like dog wen born one pikin. Time don reach wen oga Buhari wo stop all these insult Nigerian traders dey receive for Ghana. Make dem also find way to help Nigerian traders when dey also suffer because of this border wen dem close. The both video dey here you fit watch am yourself. Follow us because na only us dey follow Nigeria matter like fly wen no dey hear word.

BREAKING NEWS : Kasapreko lose $ 2M As Nigerian Border Wo De Closed Till Next Year.


As Ghana Government and other African countries dey try beg Nigeria make dem open their border, The Nigeria Government Don come out talk say the border wo still de close till 2020. News wen reach Isalute Media be say even Vietnam send people come Nigeria to beg make border open. True true dem talk say if sand full rice even the blind man wo see am. E be like say the sand don too plenty for Nigeria people food so our government don see am. Nigeria no get border with Vietnam or even Ghana so person wo wonder why dem dey drink Panadol for headache wen no concern them. We hear say Dangote dey set up big rice plants and tomatoes company for all over Nigeria and since them lock border Nigeria don cash out over 200 billion Naira. As the thing dey, if you be Nigerian and you no dey happy with the closing of border na em be say na witch you be, seriously you dey fly for afternoon.

Last time i see many trucks wen carry tin tomatoes and other Ghana products dey go Nigeria, them no dey pay tax os shipments yet those products wo go dey struggle the market with our local goods for Lagos.  kasapreko wen get alomo and other Ogogoro drinks don talk say dem lost 2 Million dollars since dem close border.

We for Isalute come talk say so them dey milk Nigerian people like this na em dem still dey treat us like refugee ? true true if you live for  glass house no throw stone. Make Nigeria people ready to chop local rice for Christmas. Yes Nigerian Local Rice and Foul sweet well well. Anyway we dey follow the matter , your own na to follow us for social media.

Breaking News : Ghana Macho Men Defend Nigerian Traders, Break Every Shop Wen GUTA Lock.


Our people talk say Cow wen no get tail na God dey pursue fly from am. Ghana Big chest people wen dem Dey call Macho men for Kumasi come stand eye ball to eye ball tell GUTA people say dem no get any right to lock Nigerian people shop say dem just Dey use am dey worry people , even Ghana people wen dey work for this Nigeria people no get work to do again . Na em the macho people come break all the padlock when GUTA take lock Nigerian People shop. Dem tell GUTA say if they know say na dem Papa and Dem Mama born dem make dem come lock the shop again make dem see, but as far as we know GUTA don Ben Johnson in fact GUTA run  leave their flag. As E dey so ref don blow pi pi pi between run away GUTA and our macho messiahs, we for Isalute carry 50 liters of palm wine for head take  Dey find the Macho men make we tell them see Dem too much because pikin wen say em mama no wo sleep must do night vigil. We light candle take dey look the matter , your own na to follow us for all social media platforms.

XENOPHOBIC ATTACK : GUTA/Nigerian Traders Problem Na Bomb when Wo Blow Soon If…….RANDY ABBEY


Since Tuesday na em  story come say Ghana Traders  when be (GUTA) don start to close Nigerian people store again for Kumasi, na em Isalute come dey follow all the News paper and Radio for Accra as the matter be headline news. Randy Abbey wen be the person when dey host the talk talk show wen dey come every morning for metro TV Accra come talk say this GUTA and Nigerian Trader’s matter say if them no put oil for the break make the matter stop say na Bomb wen em time dey count, em fit blow anything. The whole news paper and TV for Accra carry the matter today. I salute Media come call the Oga of Nigerian traders Union, em say make anybody no fear, Em say GUTA be like pikin wen dem spoil rotten, any small thing them begin cry. Em Say them no wo talk put because Ghana Police don dey handle the matter. Em say E be like say na because of the border wen Nigeria close na em dey

cause all this problem, But make them know say Nigeria No get border with Ghana so watin come be their problem ? Any way we dey follow the matter make una follow us for all our platforms.

XENOPHOBIC ATTACK : Ghana Traders Go Lock Nigerian People Shop Again.



Yesterday for one market wen dem dey call Suame Magazine for Kumasi Ghana, Ghana Traders Union (GUTA) send people make dem go close Nigerian people shops. According to the tory wen enter our ear for Isalute, GUTA talk saw Nigerian traders must stop to sell for Ghana, them say dem no wo talk to any media person and dem no care watin ecowas paper talk for the matter. No forget say the same thing happen for June before the two Government come put mouth for the matter. But E be like say because Nigeria lock their border, na em make dem vex dey fight the innocent traders wen no be dem be custom or Oga Buhari wen lock border. Although we hear say Ghana Police don send men there go break all the padlocks.

We for Isalute say this thing don dey too much, Nigerian Government must stop am now before we wake up see a case of south Africa. Despite say na Nigerian Traders dey carry money enter other country but the way the small African Countries dey treat us like say we be beggars no correct at all. We try call GUTA office dem say dem no wo talk to any body. But we wo try reach the Nigerian traders union Oga make we ask them watin de happen now for the matter. Follow us as we dey follow the matter.


BREAKING NEWS :Nigerians for Ghana say since Nigeria Close Border.”Leave our Country ” don stop.


We remember say na 20 th August na em the Oga Kpatakpata for customs come talk say them don close Nigeria border down. Them say because of people wen dey carry illegal things dey cross border and dem also dey carry rice and other country ban goods dey pass the border. Since dem close borders all the country wen dey near Nigeria dey cry, Togo, Benin, Liberia, Niger, Ghana, everybody dey cry. Yesterday for our Isalute Radio with the pidgin English professor, I salute come call many Nigerians dey ask them the matter. Plenty of them talk say as much as the thing dey affect every body, say dem still like am because since the borders close. Ghana Police and immigration don learn to respect Nigerians, GUTA wen been dey bark like dog dey attack Nigerian traders don cool like ice water. Nigerians for Ghana come talk say time don reach wen Nigeria wo dey show other country say na them be the America of Africa. Because every country dey treat Nigerians like say dem be beggars but na the same Nigerians dey push money enter enter their country. Ghana like this get 12 Nigerian banks. Yet Nigerians dey pay high immigration rates and tax for the country. The Nigerian Women Leader come talk say Nigeria must use this one take tell other country watin dem want for their people before dem open the border. Follow us for Isalute cos na we dey follow the matter.




ENTERTAINMENT : Hollywood producer adopt Nigerian (Ghana based) producer’s Film Title.


Every body believe say na for Hollywood na there movie start na there em end, but one movie producer don make us understand say creativity no get color. The Last Card Na one  Nigerian producer (Destiny Austine Omon ) na em make the film. Last week  na em some copy right people come call am to find out which date em produce the movie, na em make I salute come enter the matter find out say Destiny Produce and register The  Last card in may 2015 but the Hollywood   producer (Steve Baker ) Release em own 2016. Destiny Omon talk say EM don  talk with Steve Baker, say em no wo sue them but em don give them written Authorization to take continue to screen the film while them wo they pay am royalties from the title every month. For African Producer as a whole this na big win,

for Hollywood to see title when catch their eye for Africa. we say congratulations to the oga of DMF productions and if the cash begin flow make em no forget us for isalute media. You fit check the both postal and thrillers under.

the last card both posters, the top produced in Ghana while the other in the USA.

BREAKING NEWS : If you be Nigerian for Ghana, you must read this one.


Yesterday the Oga Kpatakpata for Nigeria High commission for Ghana wen them dey call Oga him self Hon.Olufemi Michael Abikoye don talk say make people stop to drink medicine  for sickness  when no worry them. If you dey for Ghana, you wo don hear or read message wen dey tell people say  make dem withdraw their money from bank and mobile money, if them no get  get paper.  But oga say na lie say the story na Fake say make any body no panic. But if you don dey Ghana for long, you wo know say this thing na normal thing, you no fit open bank account if you no get paper or valid Visa but our people dey sabi pass back door and the Ghana people also dey wen ready to open the back door. Make you  read the paper wen oga sign for under .

Follow us for FaceBook, Twitter, and Online Radio because na we dey bring the news as E dey Hot.

Some Ghana people prefer to pay for Miracles. ( Nigerian Pastor).


Prophet Eke Okereke wen be the Oga Kpatapkata for Global Liberation Mission Accra, enter I salute Media studios yesterday, Prophet EKe wen be say God give am grace to help barren women get pikin , according to the testimony wen women for the church talk, over 30 pikin wen God don use am give different women for the church.  Pastor Eke na from Abia state Nigeria, em come Ghana serve Victorious People Assembles for 10 years before em say God give an this em new church name say make em start for am . The pastor when be say em also get gift to pray for people business talk say em no take one cedi commot from the old church say even the account when people no know about em wife still advice am make em give the old church back . Despite God bless many people with money through am . Em say all the cars when em get na people give am say em never take church money buy car before . Em say some Ghana people prefer make them pay consultation fee before them see Prophet . Em say many times people don tell am say if em belive say em prayer or prophesy Dey work then em for dey charge people. Em say em no Dey fight pastors wen dey collect money oh but em no wo do am cos na every body know em arrangement with God. Em come studio with Pastor Emmanuel Ogbona (JP) when come from Nigeria for 3 days program when them start yesterday for the church place for pillar 2 opposite Atomic Energy commission. The program wo round up tomorrow. Em say make people carry their problems come especially those women wen dey find pikin. Tomorrow program wo start by 9: Am.


- Advertisement -




One Nigerian man wen get Television and other media business for Ghana wen Know Tonto Dike and em Husband Churchills well...