Home Authors Posts by isaluteonline.com

isaluteonline.com

73 POSTS 3 COMMENTS

SARS almost Kill every one when Dey EFEX transport wen Dey go Ghana

0

Yesterday for Sango area along Lagos Abeokuta RD, One EFEX transport big bus wen em number be BEN 344ZZ wen carry 33 passengers wen load from Benin and Lagos, The driver come park say make em check em motor, na so some SARS carry three of the boys wen come down from the motor say make dem go pee , them come force the boys enter one Bus wen carry Lagos taxi paint, The boys say them Dey beat them and force them make dem open their phone , no forget say IGP don talk say make SARS no Dey check people phone again , say dem no get right .  As the beating too much na em the other passengers  wen Dey  inside bus and the people wen Dey the area come bark follow them like dog , some even naked as police carry the boys go lock inside cell lock gate. Na so police come de shoot everywhere , Dey shoot tear gas inside the Bus wen be say women and children wen no do anything Dey inside, by the time the bus finally enter the police compound, na so dem park every body sit down for ground , dem beat the driver wen em age be like 60 years, na em be the driver wen old pass for the company.

The small SARS boys  beat am put for ground most kill am if no be the senior officers wen come out come save am, na so dem detain the bus and every passenger before one ASP wen be the DPO for the station ASP IDeha come hear the whole story as em take happen, na em e say make the driver pay for the windscreen wen people break, the driver say na only 10,000 em get so other passengers come donate another 10,000 wen come make am 20.000 wen dem give the Station officer before dem allow the bus go, ASP collect all the boys phone give them back and em no collect any money from them. One of the SARS even de talk say if to say na night him wo shoot all of dem put gun on top of them say na robbers dem be.

#endsarsnow

Posted by ISalute Media on Saturday, July 20, 2019

This one na one of our reporter take em krokro eyes take see the Tory as em take happen.  True true if Nigeria no stop SARS, na SARS wo stop Nigeria. We for isalute media say God wo bless Oga ASP Ideha if 30 % of Nigeria police be like you problem for no Dey at all.

Posted by ISalute Media on Saturday, July 20, 2019

Nigeria Government wan come give every Nigeria ID card Oga Ambassador say……

0

The oga Kpatakpata for Nigeria embassy for Ghana talk say Nigeria government don talk am say dem no Dey joke with the matter wen them talk say dem wo give every Nigeria ID card say dem mean am. Oga kpatakpata Michael Olufemi Abikoye, Talk say make every Nigeria no dull dem sef because the expert no wo come back Ghana again because na Nigeria wen dem Dey come from. You fit read the letter here….

Breaking News: Nigeria Immigration wo soon start dey deport people when no be Nigeria wen no get Resident permit.

0
  • The oga kpatakpata for Nigeria Immigration oga Mohammad Babandede talk say very soon Nigeria Immigration WO start to pursue people when no be Nigeria pikin  when no get permit wen dem dey take stay another man land.  Em talk am yesterday for Kano when some new officer dey join immigration work . Oga Muhammad say people when no be Nigeria dey come do bad things for Nigeria so dem for dey do paper so make dem know every body wen dey enter and live for the country. Say them WO give time , if that time pass any body wen them see na to deport am.  Because many of the Fulani herdsmen wen dey kill people you WO hear them de speak French and Fulani which means say dem no be Nigeria  people. Make we no forget say na the same thing dey happen for Ghana wen dem dey talk say na Nigeria dey do bad for  Ghana come begin deport people , We for I salute think say e be like say government don vex because na only Nigeria you fit live wen no body dey do permit but na Nigeria people dey pay resident permit pass for the whole word and we believe say watin good for monkey dey good for chimpanzee.

Follow Us: face book – Isalute media

Twitter.     – isalutepiginnewsgh

 

 

Breaking News : The Nigeria boys no rape anybody, court vex throway the case.

0
  1. E get some boys wen police arrest for Tema say dem go rape one girl in present of em boyfriend , UTV and many other station carry the news . on Monday na em them go court , according to person wen take em korokoro eye take see am talk say the judge throwaway the case , say make dem release the boys , we for isalute come say since non of the station WO carry the good news na em I say make I help dem. We dey beg Ghana media make dem dey dig matter well well before dem report am because if you don pour black paint to person name E no easy to clean.

Nigeria must go : Ghana don start dey deport Nigeria People from Their country.

0
  • Na last two weeks wen wahala burst for Kumasi wen Ghana people begin beat  Nigeria people lock their shop,  them say Nigeria people dey take their job so dem want make dem  go back. Na em social media come full where people dey use hastag say #nigeriamustgo but Government come put mouth for the matter but E be like say the market people come think of another way wen dem WO take sack Nigeria people from their market . Yesterday one of the Nigeria traders call I salute media for Afternoon, em talk say the traders come carry Immigration dey waka for inside market dey point Nigerian people for them. immigration carry bus dey pack Nigeria people . last Friday na em police first go catch some girls,  Nigeria, Ghana and other country dey inside for where police say dem dey do Ashawo, them come leave this rest Ghana girls but talk say 15 Nigeria girls no get paper so dem WO deport all of dem
  1. E get one Nigeria man wen dem catch with them as I salute go Immigration office come see the man wife wen be Ghana woman with small baby of 8 months for hand dey cry, na em we come ask am say watin happen, she say dem won deport em husband, because say em get over stay for em passport . na em isaluteonline.com ask am say but for video wen UTV show the police woman talk say em husband na pimp say na em dey bring them come Ghana , The woman talk say na lie say em husband no even know the girls say em husband go east legon go buy drink na there police arrest am hand am to immigration before them see say em passport get over stay.  We talk to one immigration officer she say dem wo deport them today. Ghana Government don talk say from next month dem WO deport all Nigeria people wen no get papers but na dem same  Immigration dey stay border dey allow people wen no get passport dey pay money enter . I salute media come check the matter like this, man wen get woman and Pikin, get shop for here , you deport am because of paper who WO come take care of that family ?  We fit bet our life say 98% of Ghana people for Nigeria no get residents permit. Now make we no forget say na the same Oga Buhari dey power 1983 wen Ghana must go happen. Many Nigeria people wen isaute talk to say no problems say dem get the  money to do paper and dem WO go do am but dem also want make Nigeria Government take torch look the paper of Ghana people wen dey Nigeria too, Nigeria government don talk last week say if Ghana no want Nigeria people again make dem take so E be like say na the answer dem give so. But if this fight continue like this watin we gain ?

Breaking News : Prince Mona stand gadangba for Kogi governorship race

0

One fake news come out yesterday about the Pikin of the Kogi governor wen die Prince Abubakar   Audu , dem come talk say Prince Mona Audu don stop to run for the chair of oga kpatakpata for kogi state. But the man wen dey do talk talk for APC don come out talk say na lie, say em still dey run, em talk say APC for kogi dey support am no be because say na em family property but because of say em get sense and know how em wo take work for lugard house when the whole Kogi people wo happy, Em say out of the 10 children wen Prince Audu born say all of dem dey support prince Mona except two wen say dem no dey do anything wen be politics. Whether you dey, ayangba or ejule, Ankpa, Idah, Lokoja, Ajaokuta any where you dey for Kogi na to join hand make Prince Mona win the run na only there kogi wo better. Prince Mona na em stand carry APC flag for the Kogi election wen dem wo do later for the year.

Crime Alert: Robbers go attack Nigerian producer and oga for Isalute Media for Accra Ghana.

0

E be like say even army robber don join this Nigeria must go matter . On Monday night around 3 for midnight three robbers come one Nigerian producer house for Ghana( Austine Omon) wen also be the person wen get isalute media for Ghana. Oga Mr. Omon say em come back from studio around 1 am for midnight, drive enter , em notice one person pass but e no mind anything so em no talk to am. Austine say dem spray some thing for the house wen make every sleep, dem cut the gate carry many of property plus phones. The king with no culture producer talk say Ghana people don dey warn am for social media and dey tell am say  dem WO do am strong thing because of the way em dey write about this Nigeria and Ghana wahala. Em no know what na part of the strong thing be this . Em say make em fans no worry say thevnew movie wen em just finish dey correct nothing do am Isalute media come ask am say why em  no report for police ? Mr Omon talk say no need , em say police wo use the matter take chop e money. no forget say e never too long wen dem go rob one Nigerian actress for Ghana too princess Mimi Bala , she say money wen she spend no be small but till today she no see anything. plenty Nigeria people for Pantang say now the thing be like say na Nigeria people house dem target because every night dem must rob one Nigeria people for the area.. So we for I salute dey beg Oga police make dem shine eye for that oyarifa and dodowa road side.

Xenophobia: Ghana Traders (GUTA ) don close Nigeria people shops for Opara square for Accra down.

0

People dey cry for the Kumasi attack wen happen last week, Nigeria Government and Ghana dey try to solve all these wahala, many good people for Ghana don come out talk say watin dem do no good. Police come dey look nigeria people shop when dey kumasi, this Afternoon as i salute Media talk to the Oga Kpatapkata for Nigeria traders union for ghana, Chief Chukwuemeka Levis Nnaji tell isalute media say as we dey speak GUTA hold press conference talk say dem don close Opara square where Nigeria people dey sell both electionics and Home movies ( Ghana Alaba market). Say dem dey wait make GUTA finish the press conference before Nigeria people wo know watin them wo do. GUTA Secetary Mr. Shabban first talk am for Joy news say any thing wen police or Government like make them do say them bo wo stop the attack. We for i salute say make the two governments put head together make E no come be say one stick of match wen mad man spark come burn down King farm.

MUMU ALERTS: Ghana Guy advertise say em get black money , Em dey find chemical to wash am

0

Them true true talk say even if you carry monkey go London still monkey Na monkey . As Ghana dey hot say Nigerians dey come spoil their country, Na so one guy come Whatsapp for one Public group say Em get black money paper say em de find chemical. The guy serious well well , na there we for isalute come laugh say trouble dey sleep tolotolo dey come wake am abeg make una help am for where em wo get chemical. See the chat for under this message.

Xenophobia : Ghana Traders for Accra say them wo join Kumasi People Attack Nigerians again if……(Secetary General Of GUTA)

0

E be like say this wahala no wo end, After Ghana Government And Nigeria don put mouth for the wahala between ghana and nigeria, The person when dey write book for all the traders wen be Ghana people (GUTA) Mr. Shabban come talk say, Police or any body no wo fit stop them, Em talk am for Joy news yesterday for TV. Em say traders wen dey accra dey support Kumasi people, say if police try arrest any of their memebers say them wo do oshebe hey follow them. Na em the person wen dey talk the tory for TV come ask am say so una dey support the Ghana people wen dey go lock Nigeria people shops and thief thier goods ? Say una no suppose to support any bad thing.  Mr. Shabban say yes say accra traders de support the attack 100% . Em say that one self na small, say dem dey give Government 2 week to pursue the Nigeria people commot for the market or no police wo fit stop them make them say them must put law for their hand. Na him Mr Chukwudi Nnaji wen be traders union Oga Kpatapkata for ghana come talk say, police dey hear am so make them do something about am because Kumasi no be Accra , say if dem try am for Accra E no wo easy for them like Kumasi. Them say snake wen one eye see na em dey big pass, thats why i bring the video make every body see with em eye. Na PULSE news gor JOY TV bring us the Video.

Facebook : isalute media

Twitter    :  isalutepidginnewsGH

- Advertisement -

APPLICATIONS

HOT NEWS

ZAMFARA PEOPLE TAKE “OSHEBE HEY ” TAKE WELCOME BUHARI WHEN...

The Oga Kpatakpata for Nigeria when dem de call president M. Buhari, travel last week go London, before...