Home Authors Posts by isaluteonline.com

isaluteonline.com

83 POSTS 4 COMMENTS

Profile Of The Week : Chi – Don (Oye Eze)

0

 


Isalute Pidgin News

Last time i talk say no be all the time dem wo de nail dog and give am bad name as neckless but some time make dem still praise the dog if he catch grasscutter becuase one of our brother don hunt one big meat , yes Chi Don Oye Eze wen be Nigerian musician for inside tema, ghana talk say if em remeber how em take suffer for street for good 14 years how em take sick for seven year wen em no die na em E say make em take this song take tell baba God say em too much, The song wen be say na mix master him self garzy na em mix am, the song em mix gospel and serious pop no wonder E call am gospel pop. The song na both igbo and english The song don de tear every where for Ghana. This one na our own so make we join hand push am so at least people wo see say no be only bad nigerian people dey for Ghana.

Download the song make you enjoy with your family and friends.

People dey tell GhOne sha sha sha shame as dem try copy our pidgin english News The woman mess up for live TV for where dem de copy Isalute pidgin news.

0

People for ghana no dey happy for the copy copy wen Ghone TV for ghana do for our isalute pidgin news, this-week wen just past so , one of the woman wen dey give torry mess up after she come fumble well well for where she de read torri for TV. People come face book dey say broken no be ghana thing say na Nigerian get am e be like say u carry china man make em read Igbo news. As the matter dey so we for isalute dey vex because we don submit proposal to many TV for this same pidgin program for more than 3 years now , one TV say e wo spoil the way thier pikin dey speak english na so e be for many other programs for ghana if you submit your work, they wo tell u say dem no like am because dem no wan pay you but after dem wo go back go get one of thier person make em try, but make i warn them broken english na drama on em own, dem no dey learn am , na Nigerian thing and if you wan turn to monkey you must first learn how to jump from tree to tree and my sister UChe the fact say you be nigerian no mean say u wo fit tear broken english. Photo copy no wo fit like original na we get the original copy.

Breaking News :Killers don shot one Nigerian Movie Actor Wife for USA.

0

Yesterday for USA around 5 oclock for Evening time, tori when reach isalute be say some body go shoot Bettie Jenifer wen be Chris Attoh wife, Chris Attoh na Ghana actor wen act for Tinsel but many people for outside de think say na Nigerian, Make we no forget say e never reach two years wen him and em nigerian wife DamiloIa Adegbite say e no de do again. So as the matter come be so na em people come de talk say na only God come know how water take enter coco nut wen dem no cut. One media for yankee report say na Damilola dem shoot but i fit hit my chest tell u say the true matter be say na bettie dem shoot. We for here say make she sleep well and chris make em put ice water for em chest i know say E no easy but make em try. but we wo dey follow the tori as E de hot.

Dem shoot actor wife for yankee

ENTERTAINMENT CORNER- I FIT NAKED FOR MOVIE IF………THE GHANA ACTRESS WEN HOT PASS FOR THE INDUSTRY NOW TALK AS SHE JUST GET ONE BIG CONTRACT TO GO SHOOT FOR ONE NIGERIA FILM.(Nana Yaa Agyare)

0

 

Nana Yaa Agyare na she be the actress wen de sell pass for Ghana now , Nana yaa wen go school well well to the extent say she get Master Degree, for the industry wen people dey believe say na only women wen just get big back and front without sense na dem dey act, But Nana Yaa no be so, she be actress, radio presenter,she dey do MC, she be lecturer for Media school, she still be musician and also she be family woman wen get husband and pickin. But with all this plenty work wen she dey do, na she be the hottest face for Ghana Cinema right now. Since last year alone she don appear for cinema more than 6 times, she play lead for the King with no culture, Inner woman, Indian money, Last Card and many other movies.

Now I Salute media hear say em don get one movie for Nigeria with some other Nigerian actors for a project wen be Galaxy TV contract. I Salute confirm from the producer and Director when also be Nigerian ( Destiny Omon) Wen be one of the biggest Nigerian producer for Ghana na em be the Oga Kpatakpata for DMF Productions Ghana, Em come talk say na true say them wo enter set before ending of the month. em also talk say no be only her be the Ghana Actress wen dey the project, Em say as em be say na Nana we dey talk about , em wo reserve the other names till later.

I salute come ask Nana Yaa say as E be say she don reach this level without em no expose em body or naked like em other mates dey do am, whether she get any plan to open em body of whether she fit naked for movie ? Nana Yaa come talk say :

“Yes say if the story no make am ‘Sex object” em wo do am, if na say make em naked to teach lesson as a mother or woman em wo do am but if na say make people know am or for money or fame em no wo do because where God don carry am reach without open em body, em no need open em body for people to know am “. Nana Yaa as we dey talk so dey another set of another Nigerian producer for Ghana wen de shoot movie called house of Fire. If you get job for Nana you fit call am on : +233 543793754 or reach am for social media : FACEBOOK, IG – nanayaaagyare.

NANA YAA AGYARE

SCREEN SHOT OF PEOPLE WHEN BEEN DEY PLAN XENOPHOBIA FOR GHANA AS POLICE DON RELEASE ‘THE THREE NIGERIAN KIDNAPPERS’

2

Last month for one town wen dem dey call Chinese for Kasoa , some three Nigerian boys when Ghana police arrest say na dem kidnap a 2 years pikin, Kelly Aluna, Eboma Fabian and Genesis Peretomode de their house wen people for the area come talk say because of say some body say em hear wen the pikin de cry around the boys house another person talk say em see when one Car with Nigerian number carry the boy run, na so police come take arrest dem. But after police don look into the matter, dem come go see the pikin for inside block where E die put, according to the boys as police see say no be them do am na em dem bail dem say make them go house, as dem reach house na so the area people wan attack them make dey kill them before they call police people wen come save them. That same day for facebook, ISALUTE MEDIA team see some people as dem dey plan the matter say na only to pursue Nigerians commot for Ghana na em be the solution.

look make you see screen shoot for under of watin dem plan.

FACE BOOK SHOT OF PEOPLE WEN DE PLAN XENOPHOBIA FOR GHANA.

Yesterday ISALUTE MEDIA call the president of South South people for Ghana, (Mr. Anthony Udebor ) because as the matter dey, the boys be EDO state people so dem dey under south south. Mr Anthony Udebor confirm say dem don bail the boys , say police don arrest some other people wen no be Nigerians but as the matter de court Em no wo fit put mouth pass like that.

This Morning for Unique FM, the Oga for Yoruba Community for Ghana come talk say make police dey deal with criminals no be Nationality say many people don dey hide for the back Nigeria bad name take de do bad things. Many Ghana people come call the radio, dey even talk say na true say no be every Nigeria Man be be bad person so if some thing happen make dem look inside the matter well well , and Press people too make dem no just de carry fake news but make dem dey look the matter well well before dem publish am. Just Yesterday na em CID madam talk say e be like say na one oga for politics na em de cause all these kidnap and killing. Then if that one na true na em be say some people really de hide for back of Nigerian name dey do bad things so we abeg police make them shine their eye well well for this matter make every we no just de call anything when bite for night mosquito cos some fit me scorpion.

NO FORGET TO FOLLOW I SALUTE MEDIA FOR ALL THE HOT NEWS WEN CONCERN NIGERIANS FOR GHANA.

NIGERIA MOVIE PRODUCER BREAK RECORD FOR GHANA.

0

Our people talk say Lizard wen fall from Iroko Tree talk say if no body praise am, Em wo praise himself. No be only wen bad thing happen dem wo de talk, If good thing happen we supposed fit still talk am.

Na exactly one year be this wen one of our Nigerian brothers Destiny Austine Omon bring out one movie (The King With No Culture) the movie na movie wen carry many of the big people for Ghana go silver bird, Even The EZE Ndi Igbo for the whole Ghana with em full squad dey for Silverbird that night. Movie wen feature Nigerian and Ghana Actors later go get Golden Movie Award Nomination for the whole Africa. The producer post picture of the remembrance for him face book page.

Isaluteonline.com say make we say well done to the producer and all the actors wen follow for this movie. Especially Nana Yaa Agyare , Eric Mensah, Don K Yamaoh, Princess Mimi Bala, Adebayo Fakolade, Pa Emmanuel France and every other person.

FAKE NEWS ALERT : (GHANA NIA REGISTRATION) MAKE MEDIA STOP DEY GIVE NIGERIA BAD NAME.

1

Last Night local TV stations for Ghana report say some Niger men try go register for the Ghana National Identification wen be say na only Ghanaians get right to register. Nothing concern any Nigerian inside the matter but because say dem want make the matter sweet this morning one site (ghanaweb) and many other media come write say the people when dem arrest na Nigerians.

Na one Timothy Wuni wen be Ghanaian wen de work for NIA office for Abossey Okai try register Alhassan Adbul and Abubakar Ruali (Two of them na from Niger). Na em some group of people wen dem dey call The Pointers, dem be one group for accra wen dey follow all Nigerian matter , dem come vex say all this one be like arrangee by some media people to take spoil Nigeria name for Ghana. Dem come talk say make Ghana web correct them self quickly. Dem also talk say make dem no try to dey add Nigeria name to everything like tortoise just to make the story sweet.

No forget to always join isaluteonline.com for all the Nigeria Story Wen commot from Ghana.

HOT VIDEO : GHANA IMMIGRATION WOMAN BEAT YAHOO BOY WIFE AS POLICE GO RAID YAHOO YAHOO BOYS FOR EMEFS ESTATE FOR TEMA, GHANA.

0

Yesterday for EMEFS Estate wen de for mataiko Afienya for Tema, police go burst some yahoo boys when de live inside there. According to koro koro eye wen see as the thing take happen , Em say the boys de live for inside the estate and them dey live big man life wen no body see the work wen dem dey do, day and night them lock dem self for inside house de press. Many Nigerian elders don react to the video say dem thank Ghana police well well wen dem de try fish out all the people wen no good for Ghana so that the good Nigerian people wo fit live here jeje. Dem warn small boys say make them no dey let bad chairmen carry them come Ghana because Ghana police no dey smile with them at all. But them also talk say as dem watch the video dem see Immigration woman de slap one of the girls and if you look one of the boys face you wo see say them don beat am well well. So the elders come talk say if immigration or police go arrest anybody dem no get right to beat am especially if the person no dey make trouble because if you see the girl wen the immigration woman slap she no make any trouble. make we no forget say na the same thing wen happen wen make Nigerian government come vex deport some Ghanaians last month because them talk say dem no like the condition of the people when Ghana deport back. So far na 7 men and one woman dem arrest for the matter. Another thing be say immigration people and police come dey use all this fraud and illegal immigration matter take dey collect money for innocent people hand so Nigerian community and Ghana police wo also see say the matter no turn oil well for bad Ghana police people hand. isaluteonline wo de follow de matter and bring the torry for you as E dey fresh.

VIDEO DEY MAKE YOU WATCH AM, NO FORGET TO ALWAYS JOIN ISALUTEONLINE FOR ANY NIGERIA STORY WEN HOT COMMOT FROM GHANA.

POLICE DON RELEASE THE 8 NIGERIAN BOYS WEN DEM LIE AGAINST SAY NA DEM KILL 11 YEAR OLD BOY FOR GHANA.

0

Yesterday we bring torri for una say the Police for Ghana don talk say no be because of Kidnap dem arrest the 8 Nigerian boys wen de cell for Kanewu Police Station. E get some new group for Ghana when dey call them self Pointers, na dem follow the matter, and no be only that matter them dey follow, dem de follow all the kidnap and killing matter wen touch Nigerians. Any where Nigerians get problem for Ghana dem de for ground, them no dey show their face too much or talk too much but na them be the fire wood wen dey under the pot.

So as dem follow the matter come question oga police and everybody say if you see snake kill the snake no need to take camera de snap snake photo before you kill am. which means say if Nigeria person do bad make them treat am as one person no be say them wo come carry am rob the whole Nigeria community. Nigeria people wen dey Ghana come de grumble say because say person get tattoo for body, wear earing de smoke no means say em be kidnapper or na dem kill person so make them stop to add sugar and salt join the torri.

Last Friday, The Eze Ndi Igbo (Madina) EZE KEN GINIKANWA OBI hold press conference about the same way wen dem they try spoil nigerian image for ghana. Em talk say yes some boys de bad but na so many good good Nigerians still dey Ghana when de do well and dey give Ghana people job, em talk about case of three girls when dem kidnap for takoradi and another case for kasua too. Em say(No house for Ghana When Mensa no dey) which means no land wen bad people no dey, so if bad things dey happen no means say na Nigerians de do am. But e also warn Nigerians for Ghana say make dem mind how dem dey take live if not, na em by himself wo carry them go police if we find any bad egg for among us.

Criminal na Criminal weder na Nigeria or Ghanaian.

PDP VICE CHAIRMAN FOR GHANA DON BEG BUHARI SAY ABEG MAKE EM NO GIVE THE 100 MILLION DOLLARS TO FULANI HERD MEN .

2

The second oga for PDP when still be person wen know about security well well , Em still be Oga Kpatapkata for Microscope Int’l LTD Ghana.( Chief Amb. Oloye Oyeyemi Fatuyi This morning talk to Isalute, em say watin em see for channels TV today em no de happy at all, the Oga say, make President Buhari no try am say em wan give herdsmen money, em say the thing don clear for every body eye say all this kidnap and blood wen de flow na because say them want money, E use watin happen for Ghana as example, E say when fulani herds men try am for Ghana e no reach 48 hrs before the government stop them. the Chief come talk say na the government be problem say no be the criminal. Oga also come talk say shebi President Buhari don talk am before say the people wen de cause trouble no be Nigerians , how come dem come dey use Nigerian money take de pay them?

All this katakata start when Mr Shehu Garuba wen be person wen de help Buhari de talk put for matter come stand for channel TV this morning talk say since dem pay Niger Delta Militant, herdsmen too na Nigerians, why dem no wo pay them. But the Oga for Human Right writers Association, Mr. Emmanuel Onwubiko wen stand for the same Channels TV with Mawokpe talk say no way, say government no suppose to dey smile with terrorist at all, dem be kidnappers and criminals , em say criminals na arrest dem dey arrest dem no be to sit them down for table with them dey drink tea. All this matter join watin make Chief Amb. Oloye Oyeyemi Fatuyi talk say, Tatafo don first talk say government pay boko haram 50 million take release the kidnap girls but Government deny say dem no pay any money. but the way things de go if government try pay any money again say na so dem wo de pay de go.

before na wood Fulani dey Carry, who buy AKA give them ?
Who buy riffle give them ?
- Advertisement -

APPLICATIONS

HOT NEWS

KIDNAP CASE:M.anifest Ghana Rapper Say Make Media Stop to Blacklist Nigerians

After police go save the canada girls wen people kidnap yesterday, the people wen be say dem dey write or read news for Ghana,...