Home Authors Posts by isaluteonline.com





One Nigerian man wen get Television and other media business for Ghana wen Know Tonto Dike and em Husband Churchills well well don put mouth for the matter wen de happen . Samuel D Omokhape wen plenty people sabi as Smile Baba (Wen get s24 digital and Oga kpatapkata for
Smile Entertainment Limited ghana, come talk say watin dey happen to Tonto Dike like this na God catch am, Smile say 2012 when Mercy Johnson  born pikin new new em come get one job because say she no wan do the Production wayo, she carry the pikin wen dey suck breast go shoot one  film na em Tonto Dike change am for Mercy say na because em husband no get money to take care of am that is why Em carry the pikin for back go hustle. Na em Smile Baba come de talk say , other women suppose take this one learn sense say dog wen sit down jeje na em de eat the bone


wen big pass because as E de so, na Mercy Johnson don de laugh pass now because Em family dey strong kakaraka and na so plenty money dey, em husband still dey, but em Tonto wen carry money enter market go buy husband , na em come look like Aunty wen mumu and Aunty wen no wise. Smile write am put for em facebook page. I salute media also confirm the matter say the time wen things sweet na every week end Tonto Dike de come ghana, every occasion for ghana na two of them, Churchills buy me this, my new this from husby but today nko you wan come tell us say all the one wen you talk before na lie so how we de sure say this one no be lie on top of the old lie? As  many people don talk say all this one na story for the gods.



We remember say last Week, E get one small boy for Ashiaman for Accra Ghana wen dem talk say some Nigerian people kill go throway the dead body for inside block, because of that police come arrest many Nigerians when E be say Ghana people come de even talk say na Nigerians de come kidnap their pikin take do juju, first of all dem talk say the people cut some parts commot for the boy body but after police look into the matter dem come talk say, the dead body complete, dem no cut any where commot, Today police don also come out talk say, no be because of the pikin dem arrest the Nigerian boys, say as the matter happen na em people for the area come tell police say E get people wen de live there, dem no de go anywhere for day time and them be plenty boys for inside one house, say dem suspect the boys. Na so police take bust the house , police say dem see plenty boys when carry tatoo and ear rings take spoil body. Police say Igbo (Morroco) de smell every where and the time when police take enter the house na 2 AM for night but still all the boys still de at alert carry computer for leg de press.

But as the matter de so, na 8 Nigerian people , 1 Togo woman and 1 Ghana woman dem don arrest for the matter so. As E be Police say no be person kill the boy and no be even the boy matter make them arrest the Nigerian boys.

Some Ghana people sef don talk say dem wo drive nigerians commot for their community some even de talk say na watin happen for South Africa fit happen for Ghana because of all this matter but Thank God say the truth de come out small small . The oga of all the Yoruba people for Accra and Tema also talk say make we use am wan all these small boys when de commot from Nigeria come Ghana de do Yahoo Plus or de smoke igbo for every where say Ghana police no de follow dem smile and the Nigerians wen de here before dem come no wo let dem come spoil their name so dem wo make sure say dem smoke all the bad egg commot. Isalute de follow the matter, if any torry show again i wo nak una.



The Oga Kpatakpata for Nigeria when dem de call president M. Buhari, travel last week go London, before em travel, house of assembly and other people for Nigeria when de look inside government matter come talk say oga Buhari no hand over give the man wen dey follow am for back, (Vice President Yemi Osibanjo). Plenty people for Nigeria come de complain say dem no know the really reason wen make am travel whether na to go hospital for there abi na business em go do, but as em travel many many things don happen for em back, E come be like say dem ring bell give kidnappers say baba don travel oh…..many people don die for zamfara state, the road when dem de follow go kaduna don turn saraka for kidnappers with thief people . We even hear say dem don kidnap one of buhari family member and one oga when de work for government for kastina state.

Senator Shehu even talk say now even people when de sell charm de fear to follow road say na train every body come de follow now. Na em make people for Zamfara come enter street de sing ” oshebe hey, oshebe hey” and dem say dem no wo commot until buhari don talk put for the matter.

We our self for Isalute media de beg oga at the top say this blood wen de flow like water for Nigeria no good at all. Make em find way take stop am because e de spoil Nigeria name well well.

Zamfara people no de smile with buhari at all
Zamfara take “OSHEBE HEY” take welcome buhari
- Advertisement -



Xenophobia: nigeria matter take over Ghana.

Today for Ghana no be small fire, na so every body bark like dog wen born one pikin, dem bark follow the Kumasi boys...