Home Authors Posts by isaluteonline.com

isaluteonline.com

118 POSTS 4 COMMENTS

SCREEN SHOT OF PEOPLE WHEN BEEN DEY PLAN XENOPHOBIA FOR GHANA AS POLICE DON RELEASE ‘THE THREE NIGERIAN KIDNAPPERS’

2

Last month for one town wen dem dey call Chinese for Kasoa , some three Nigerian boys when Ghana police arrest say na dem kidnap a 2 years pikin, Kelly Aluna, Eboma Fabian and Genesis Peretomode de their house wen people for the area come talk say because of say some body say em hear wen the pikin de cry around the boys house another person talk say em see when one Car with Nigerian number carry the boy run, na so police come take arrest dem. But after police don look into the matter, dem come go see the pikin for inside block where E die put, according to the boys as police see say no be them do am na em dem bail dem say make them go house, as dem reach house na so the area people wan attack them make dey kill them before they call police people wen come save them. That same day for facebook, ISALUTE MEDIA team see some people as dem dey plan the matter say na only to pursue Nigerians commot for Ghana na em be the solution.

look make you see screen shoot for under of watin dem plan.

FACE BOOK SHOT OF PEOPLE WEN DE PLAN XENOPHOBIA FOR GHANA.

Yesterday ISALUTE MEDIA call the president of South South people for Ghana, (Mr. Anthony Udebor ) because as the matter dey, the boys be EDO state people so dem dey under south south. Mr Anthony Udebor confirm say dem don bail the boys , say police don arrest some other people wen no be Nigerians but as the matter de court Em no wo fit put mouth pass like that.

This Morning for Unique FM, the Oga for Yoruba Community for Ghana come talk say make police dey deal with criminals no be Nationality say many people don dey hide for the back Nigeria bad name take de do bad things. Many Ghana people come call the radio, dey even talk say na true say no be every Nigeria Man be be bad person so if some thing happen make dem look inside the matter well well , and Press people too make dem no just de carry fake news but make dem dey look the matter well well before dem publish am. Just Yesterday na em CID madam talk say e be like say na one oga for politics na em de cause all these kidnap and killing. Then if that one na true na em be say some people really de hide for back of Nigerian name dey do bad things so we abeg police make them shine their eye well well for this matter make every we no just de call anything when bite for night mosquito cos some fit me scorpion.

NO FORGET TO FOLLOW I SALUTE MEDIA FOR ALL THE HOT NEWS WEN CONCERN NIGERIANS FOR GHANA.

NIGERIA MOVIE PRODUCER BREAK RECORD FOR GHANA.

0

Our people talk say Lizard wen fall from Iroko Tree talk say if no body praise am, Em wo praise himself. No be only wen bad thing happen dem wo de talk, If good thing happen we supposed fit still talk am.

Na exactly one year be this wen one of our Nigerian brothers Destiny Austine Omon bring out one movie (The King With No Culture) the movie na movie wen carry many of the big people for Ghana go silver bird, Even The EZE Ndi Igbo for the whole Ghana with em full squad dey for Silverbird that night. Movie wen feature Nigerian and Ghana Actors later go get Golden Movie Award Nomination for the whole Africa. The producer post picture of the remembrance for him face book page.

Isaluteonline.com say make we say well done to the producer and all the actors wen follow for this movie. Especially Nana Yaa Agyare , Eric Mensah, Don K Yamaoh, Princess Mimi Bala, Adebayo Fakolade, Pa Emmanuel France and every other person.

FAKE NEWS ALERT : (GHANA NIA REGISTRATION) MAKE MEDIA STOP DEY GIVE NIGERIA BAD NAME.

1

Last Night local TV stations for Ghana report say some Niger men try go register for the Ghana National Identification wen be say na only Ghanaians get right to register. Nothing concern any Nigerian inside the matter but because say dem want make the matter sweet this morning one site (ghanaweb) and many other media come write say the people when dem arrest na Nigerians.

Na one Timothy Wuni wen be Ghanaian wen de work for NIA office for Abossey Okai try register Alhassan Adbul and Abubakar Ruali (Two of them na from Niger). Na em some group of people wen dem dey call The Pointers, dem be one group for accra wen dey follow all Nigerian matter , dem come vex say all this one be like arrangee by some media people to take spoil Nigeria name for Ghana. Dem come talk say make Ghana web correct them self quickly. Dem also talk say make dem no try to dey add Nigeria name to everything like tortoise just to make the story sweet.

No forget to always join isaluteonline.com for all the Nigeria Story Wen commot from Ghana.

HOT VIDEO : GHANA IMMIGRATION WOMAN BEAT YAHOO BOY WIFE AS POLICE GO RAID YAHOO YAHOO BOYS FOR EMEFS ESTATE FOR TEMA, GHANA.

0

Yesterday for EMEFS Estate wen de for mataiko Afienya for Tema, police go burst some yahoo boys when de live inside there. According to koro koro eye wen see as the thing take happen , Em say the boys de live for inside the estate and them dey live big man life wen no body see the work wen dem dey do, day and night them lock dem self for inside house de press. Many Nigerian elders don react to the video say dem thank Ghana police well well wen dem de try fish out all the people wen no good for Ghana so that the good Nigerian people wo fit live here jeje. Dem warn small boys say make them no dey let bad chairmen carry them come Ghana because Ghana police no dey smile with them at all. But them also talk say as dem watch the video dem see Immigration woman de slap one of the girls and if you look one of the boys face you wo see say them don beat am well well. So the elders come talk say if immigration or police go arrest anybody dem no get right to beat am especially if the person no dey make trouble because if you see the girl wen the immigration woman slap she no make any trouble. make we no forget say na the same thing wen happen wen make Nigerian government come vex deport some Ghanaians last month because them talk say dem no like the condition of the people when Ghana deport back. So far na 7 men and one woman dem arrest for the matter. Another thing be say immigration people and police come dey use all this fraud and illegal immigration matter take dey collect money for innocent people hand so Nigerian community and Ghana police wo also see say the matter no turn oil well for bad Ghana police people hand. isaluteonline wo de follow de matter and bring the torry for you as E dey fresh.

VIDEO DEY MAKE YOU WATCH AM, NO FORGET TO ALWAYS JOIN ISALUTEONLINE FOR ANY NIGERIA STORY WEN HOT COMMOT FROM GHANA.

POLICE DON RELEASE THE 8 NIGERIAN BOYS WEN DEM LIE AGAINST SAY NA DEM KILL 11 YEAR OLD BOY FOR GHANA.

0

Yesterday we bring torri for una say the Police for Ghana don talk say no be because of Kidnap dem arrest the 8 Nigerian boys wen de cell for Kanewu Police Station. E get some new group for Ghana when dey call them self Pointers, na dem follow the matter, and no be only that matter them dey follow, dem de follow all the kidnap and killing matter wen touch Nigerians. Any where Nigerians get problem for Ghana dem de for ground, them no dey show their face too much or talk too much but na them be the fire wood wen dey under the pot.

So as dem follow the matter come question oga police and everybody say if you see snake kill the snake no need to take camera de snap snake photo before you kill am. which means say if Nigeria person do bad make them treat am as one person no be say them wo come carry am rob the whole Nigeria community. Nigeria people wen dey Ghana come de grumble say because say person get tattoo for body, wear earing de smoke no means say em be kidnapper or na dem kill person so make them stop to add sugar and salt join the torri.

Last Friday, The Eze Ndi Igbo (Madina) EZE KEN GINIKANWA OBI hold press conference about the same way wen dem they try spoil nigerian image for ghana. Em talk say yes some boys de bad but na so many good good Nigerians still dey Ghana when de do well and dey give Ghana people job, em talk about case of three girls when dem kidnap for takoradi and another case for kasua too. Em say(No house for Ghana When Mensa no dey) which means no land wen bad people no dey, so if bad things dey happen no means say na Nigerians de do am. But e also warn Nigerians for Ghana say make dem mind how dem dey take live if not, na em by himself wo carry them go police if we find any bad egg for among us.

Criminal na Criminal weder na Nigeria or Ghanaian.

PDP VICE CHAIRMAN FOR GHANA DON BEG BUHARI SAY ABEG MAKE EM NO GIVE THE 100 MILLION DOLLARS TO FULANI HERD MEN .

2

The second oga for PDP when still be person wen know about security well well , Em still be Oga Kpatapkata for Microscope Int’l LTD Ghana.( Chief Amb. Oloye Oyeyemi Fatuyi This morning talk to Isalute, em say watin em see for channels TV today em no de happy at all, the Oga say, make President Buhari no try am say em wan give herdsmen money, em say the thing don clear for every body eye say all this kidnap and blood wen de flow na because say them want money, E use watin happen for Ghana as example, E say when fulani herds men try am for Ghana e no reach 48 hrs before the government stop them. the Chief come talk say na the government be problem say no be the criminal. Oga also come talk say shebi President Buhari don talk am before say the people wen de cause trouble no be Nigerians , how come dem come dey use Nigerian money take de pay them?

All this katakata start when Mr Shehu Garuba wen be person wen de help Buhari de talk put for matter come stand for channel TV this morning talk say since dem pay Niger Delta Militant, herdsmen too na Nigerians, why dem no wo pay them. But the Oga for Human Right writers Association, Mr. Emmanuel Onwubiko wen stand for the same Channels TV with Mawokpe talk say no way, say government no suppose to dey smile with terrorist at all, dem be kidnappers and criminals , em say criminals na arrest dem dey arrest dem no be to sit them down for table with them dey drink tea. All this matter join watin make Chief Amb. Oloye Oyeyemi Fatuyi talk say, Tatafo don first talk say government pay boko haram 50 million take release the kidnap girls but Government deny say dem no pay any money. but the way things de go if government try pay any money again say na so dem wo de pay de go.

before na wood Fulani dey Carry, who buy AKA give them ?
Who buy riffle give them ?

TV OWNER FOR GHANA DON FOLLOW WARN TONTO DIKE AND OTHER WOMEN LIKE AM.

0

One Nigerian man wen get Television and other media business for Ghana wen Know Tonto Dike and em Husband Churchills well well don put mouth for the matter wen de happen . Samuel D Omokhape wen plenty people sabi as Smile Baba (Wen get s24 digital and Oga kpatapkata for
Smile Entertainment Limited ghana, come talk say watin dey happen to Tonto Dike like this na God catch am, Smile say 2012 when Mercy Johnson  born pikin new new em come get one job because say she no wan do the Production wayo, she carry the pikin wen dey suck breast go shoot one  film na em Tonto Dike change am for Mercy say na because em husband no get money to take care of am that is why Em carry the pikin for back go hustle. Na em Smile Baba come de talk say , other women suppose take this one learn sense say dog wen sit down jeje na em de eat the bone

🍖

wen big pass because as E de so, na Mercy Johnson don de laugh pass now because Em family dey strong kakaraka and na so plenty money dey, em husband still dey, but em Tonto wen carry money enter market go buy husband , na em come look like Aunty wen mumu and Aunty wen no wise. Smile write am put for em facebook page. I salute media also confirm the matter say the time wen things sweet na every week end Tonto Dike de come ghana, every occasion for ghana na two of them, Churchills buy me this, my new this from husby but today nko you wan come tell us say all the one wen you talk before na lie so how we de sure say this one no be lie on top of the old lie? As  many people don talk say all this one na story for the gods.

GHANA POLICE SAY NO BE NIGERIAN PEOPLE KILL THE SMALL BOY FOR ASHAIMAN.

0

We remember say last Week, E get one small boy for Ashiaman for Accra Ghana wen dem talk say some Nigerian people kill go throway the dead body for inside block, because of that police come arrest many Nigerians when E be say Ghana people come de even talk say na Nigerians de come kidnap their pikin take do juju, first of all dem talk say the people cut some parts commot for the boy body but after police look into the matter dem come talk say, the dead body complete, dem no cut any where commot, Today police don also come out talk say, no be because of the pikin dem arrest the Nigerian boys, say as the matter happen na em people for the area come tell police say E get people wen de live there, dem no de go anywhere for day time and them be plenty boys for inside one house, say dem suspect the boys. Na so police take bust the house , police say dem see plenty boys when carry tatoo and ear rings take spoil body. Police say Igbo (Morroco) de smell every where and the time when police take enter the house na 2 AM for night but still all the boys still de at alert carry computer for leg de press.

But as the matter de so, na 8 Nigerian people , 1 Togo woman and 1 Ghana woman dem don arrest for the matter so. As E be Police say no be person kill the boy and no be even the boy matter make them arrest the Nigerian boys.

Some Ghana people sef don talk say dem wo drive nigerians commot for their community some even de talk say na watin happen for South Africa fit happen for Ghana because of all this matter but Thank God say the truth de come out small small . The oga of all the Yoruba people for Accra and Tema also talk say make we use am wan all these small boys when de commot from Nigeria come Ghana de do Yahoo Plus or de smoke igbo for every where say Ghana police no de follow dem smile and the Nigerians wen de here before dem come no wo let dem come spoil their name so dem wo make sure say dem smoke all the bad egg commot. Isalute de follow the matter, if any torry show again i wo nak una.